કાળા તલએ રસોડાની સૌથી ફાયદાકારક વસ્તુ માનવામાં આવે છે. કાળા તલમાં વિપુલ પ્રમાણમાં ઔષધીય ગુણ છુપાયેલા હોય છે. કાળા તલ નાખવાથી રસોઈ પણ એકદમ સ્વાદિષ્ટ અને મસ્ત બને છે. કાળા તલનું સેવન બ્લડ પ્રેશરના દર્દીઓ માટે ખૂબ ફાયદાકારક છે. કાળા તલ ના તેલનો ઉપયોગ આયુર્વેદિક દવાઓ બનાવવામાં પણ કરવામાં આવે છે. કાળા તલ ની તાસીર ગરમ છે. ભારતમાં કાળા તલનું વ્યાપક પ્રમાણમાં વાવેતર થતું જોવા મળે છે. ગોળ વગેરે સાથે તલથી બનેલા કાળા તલના લાડુને ભારતમાં ખૂબ પસંદ કરવામાં આવે છે.કાળા તલનું તેલ પણ કાળા તલ જેટલું જ ગુણકારી ને અત્યંત ઉપયોગી માની શકાય છે તો અમુક આયુર્વેદિક ઉપચારો માં કાળા તલને પીસીને તેના પાઉડરને પણ ફાંકી તરીકે ઉપયોગમાં લેવામાં આવે છે. તો ચાલો આપણે તેના ફાયદા વિશે જાણીએ.
કાળા તલના ફાયદા
આયુર્વેદિક નિષ્ણાત અનુસાર, કાળા તલમાં પ્રોટીન, કેલ્શિયમ, મેગ્નેશિયમ, કોપર, મેંગેનીઝ, ફાઇબર, કાર્બ્સ, હેલ્ધી ફેટ વગેરે ભરપુર માત્રામાં જોવા મળે છે.
કાળા તલ વાળ માટે ફાયદારૂપ
પ્રદૂષણ અને સ્વાસ્થ્યપ્રદ જીવનશૈલી ને કારણે વાળ ખરતા, અકાળે ગ્રે વાળ વગેરે વાળની સમસ્યાઓ જોવા મળતી હોય છે. જેના ઉપાય તરીકે કાળા તલનો ઉપયોગ કરી શકાય છે. અકાળે સફેદ વાળને ટાળવા માટે તમે કાળા તલના મૂળ અને પાંદડાનો ઉકાળો બનાવીને તમારા વાળ ધોઈ શકો છો. આ સિવાય તલના ફૂલ અને ગોક્ષુરની સમાન માત્રામાં મેળવી, તેને ઘી અને મધમાં પીસીને માથા પર લગાવવાથી વાળ ખરવાથી અને ડેન્ડ્રફથી રાહત મેળવી શકાય છે.
કબજિયાતથી રાહત
કાળા તલ માં ઘણા માત્રામાં ફાઇબર અને અસંતૃપ્ત ચરબી હોય છે, જે તમને કબજિયાતની સમસ્યાથી રાહત આપી શકે છે. તેનું કુદરતી તેલ તમારા પેટમાંથી કરમિયા દૂર કરવામાં મદદ કરે છે અને પાચનક્રિયા મજબૂત બનાવે છે. કાળા તલનું સેવન કરવાથી તમે સરળતાથી તમારા પેટની સાફ ન થવાની સમસ્યાથી રાહત મેળવી શકો છો.
સંતુલિત બ્લડ પ્રેશર
કાળા તલ માં મેગ્નેશિયમ વિપુલ પ્રમાણમાં જોવા મળે છે. આ પોષક તત્વ તમારા શરીરમાં બ્લડ પ્રેશરને સંતુલિત રાખવામાં મદદ કરે છે અને તમે હાયપરટેન્શન એટલે કે હાઈ બ્લડ પ્રેશર ની સમસ્યાથી પણ બચી શકો છો. કાળા તલ ના તેલમાં હાજર બહુઅસંતૃપ્ત ચરબી અને સેસમિન સંયોજનો બ્લડ પ્રેશરના સ્તરને સંતુલિત કરવામાં પણ મદદ કરે છે.
મજબૂત હાડકા
કાળા તલ માં કેલ્શિયમ અને ઝીંક પણ જોવા મળતા હોય છે. જેના કારણે હાડકા મજબૂત થાય છે. કાળા તલનું સેવન કરવાથી હાડકાઓ ના ઓસ્ટિઓપોરોસિસ રોગ સામે રક્ષણ મેળવી શકાય છે. આ રોગમાં હાડકાં નબળા પડે છે અને ફ્રેક્ચર થવાનું જોખમ વધુ રહે છે.
ઝાડા રક્તસ્ત્રાવ
પેટમાં અસ્વસ્થતાને કારણે જો તમને ઝાડા સાથે રક્તસ્રાવ થતો હોય તો પણ કાળા તલ નો ઉપયોગ કરી શકાય છે. આ માટે, કાળા તલ (લ નો 5 ગ્રામ પાવડર અને બરાબર સાકર મિક્ષ કરીને દૂધ સાથે ખાવી. આ રક્તસ્રાવ બંધ કરવામાં મદદ કરશે.
હ્રદયની તંદુરસ્તી માટે
તલનું સેવન હૃદયને સ્વસ્થ રાખવામાં મહત્વનો ભાગ ભજવે છે. તલમાં હાજર કેલ્શિયમ, આયર્ન, મેગ્નેશિયમ, જસત અને સેલેનિયમ હૃદયને અનેક રોગોના જોખમથી મુક્ત રાખી શકે છે.
શરીરમાં ઉર્જા મેળવવા માટે
તલમાં ઓમેગા–જેવા તંદુરસ્ત ચરબી ઉપરાંત ફાઇબર, આયર્ન, કેલ્શિયમ, મેગ્નેશિયમ અને ફોસ્ફરસ હાજર રહેલા છે, જે શરીરને મહત્વપૂર્ણ ઊર્જા આપવામાં મદદરૂપ બને છે.
કાળા તલના બીજા અન્ય ફાયદાઓ
– કાળા તલનાં સેવનથી શરીરમાં નવીન તાકાત, શક્તિ/ઉર્જા પ્રાપ્ત થાય છે.
– કાળા તલમાં રહેલું એન્ટિ-ઓક્સિડેન્ટ શરીરમાં કેન્સરની કોશિકાઓને વધતી અટકાવામાં મદદ કરે છે.
– કાળા તલનું સેવન હૃદયની માંસ-પેશીઓને સ્વસ્થ રાખવામાં અત્યંત લાભદાયી છે.
– નાના બાળકોનાં શારીરિક અંગોના વિકાસ માટે કાળા તલના તેલનું માલિશ કરવું ખૂબજ લાભદાયક છે. કાળા તલના તેલથી માલિશ કરવાથી બાળકને એક સ્વાસ્થ્ય ઉંધ આવે છે.
– રોજ એક મોટી ચમચી જેટલાં કાળા તલ ખાવાથી દાંતને ફાયદો થાય છે. દાંત મજબુત અને સાફ રહે છે.
– કાળા તલનું સેવન કરવાથી પ્રોટીન પ્રાપ્ત થાય છે. જે વાલમાટે ખુબજ જરૂરી છે. કાળા તલનું સેવન ખરતા વાળને અટકાવે છે. અને વાળને વધું મજબૂત અને કાળા બનાવે છે.
– નાનું બાળક રાત્રે સુતી વખતે પથારીમાં પેશાબ કરતું હોય, તો એને પીસેલા કાળા તલ અને ગોળનો બનાવેલો લાડુ ખવડાવો. બાળકને રોજ રાત્રે એક લાડુ ખવડાવાથી આ સમસ્યા દૂર થાય છે.
– તલ અને સાકરને પાણીમાં ઉકાળીને પીવો જેનાંથી ઉધરસ દૂર થઈ જશે.
– પેટના દુખાવામાં એક ચમચી કાળા તલ ચાવીને તેની ઉપર નવશેકુ પાણી પીવાથી પેટનો દુ:ખાવો ઓછો થઈ જાય છે.
– કાળા તલના તેલમાં હીંગ અને સુંઠ નાંખીને ગરમ કરવું. અને એ તેલની માલિશ કરવાથી કમરનો દુ:ખાવો તથા સાંધાનો દુ:ખાવો તેમજ શરીરનું કોઈ પણ અંગ જકડાઈ ગયું હોય તો તેમાં જલ્દી રાહત થાય છે.
– કાળા તલનો મુખવાસ ખાવાથી મોઢામાંથી આવતી દુર્ગંધ દૂર થાય છે.
– તલના તેલમાં થોડુક સિંધાલુણ ભેળવીને મોઢાના ચાંદાની અંદર લગાવવાથી તે જલ્દી મટી જાય છે.
– કાળા તલના તેલને ગરમ કરીને એ તેલની અંદર સીંધાલુણ અને મીણ ભેળવીને પગની ફાટેલી એડીઓમાં લગાવવાથી ફાયદો થાય છે.
– કાળા તલને પીસીને માખણની સાથે ભેળવીને નિયમીત રીતે ચહેરા પર લગાવવાથી રંગ સાફ થાય છે અને ચહેરા પરના ખીલ અને કાળાડાધ દૂર થાય છે.
રોજિંદા જીવનમાં ઉપયોગી એવા કાળા તલનું સેવન કરો અને ઉપરની સમસ્યામાંથી છુટકારો મેળવો. અને દવાખાને ગયા વગર જ તંદુરસ્ત અને નિરોગી જીવન જીવો.
આ પણ વાંચો…
- સ્વાસ્થ્ય વર્ધક દેશી ગોળ ખાવાના ફાયદા ગોળ ક્યારે અને કેટલા પ્રમાણમા ખાવો । ઘરગથ્થુ ઉપચારમાં ગોળ નો ઉપયોગ
- સવારે ખાલી પેટે લીંબુ પાણી પીવાના છે આ 5 અદભુત ફાયદા
- કઈ રીતે ઊંડો શ્વાસ લેવાથી માત્ર 48 કલાકમાં શરીરને થાય છે આ 5 ફાયદાઓ
- છાતીમાં થતી બળતરા અને એસિડિટી ને જડમૂળમાંથી નાબૂદ કરવા માટેનો અસરકારક ઘરેલુ ઉપચાર
