લગ્નનો દિવસ કોઈપણ વ્યક્તિના જીવનમાં ખૂબ જ ખાસ હોય છે, ખાસ કરીને છોકરીઓ અને મહિલાઓ માટે. એક કન્યા તેના લગ્નમાં સૌથી સુંદર દેખાવા માંગે છે અને લગ્નના અલગ-અલગ ડ્રેસ પહેરવા માંગે છે. નોંધનીય છે કે દરેકનું નસીબ આવું હોતું નથી. આર્થિક તંગીને કારણે ઘણી કન્યાઓ પોતાની ઈચ્છા મુજબ લગ્ન કરી શકતી નથી. આવી છોકરીઓની મદદ માટે કેરળના એક વ્યક્તિ આગળ આવ્યા છે.
ટેક્સી ડ્રાઈવર નસર ઠુઠા, જે કેરળના માલાપ્પુરમ જિલ્લાના થોથા ગામના વતની છે, તે વેડિંગ ડ્રેસ બેંક ચલાવે છે અને ગરીબ મહિલાઓને તેમના લગ્નના દિવસે સુંદર દેખાવવામાં મદદ કરે છે.
એક રિપોર્ટ અનુસાર, નસર અત્યાર સુધીમાં 260 ગરીબ નવવધૂના લગ્નના દિવસોને ખુશીઓથી ભરી ચુક્યા છે. સાઉદી અરેબિયાથી પરત ફરેલા નસરે લોકોને વોટ્સએપ અને ફેસબુક દ્વારા તેમના લગ્નના કપડાં દાન કરવા વિનંતી કરી હતી. થોડા જ સમયમાં ઘણા લોકોએ તેમના લગ્નના કપડા દાન કરી દીધા. લગ્નના વસ્ત્રોના મોટા-મોટા પેકેટ નસરના સરનામે પહોંચવા લાગ્યા અને આ પેકેટમાં ઘણા દાતાના નામનો ઉલ્લેખ પણ નહોતો. નસરે કહ્યું, ‘લગ્નના વસ્ત્રો થોડા કલાકો સુધી પહેરવામાં આવે છે અને પછી કબાટમાં રહે છે. ઘણા પરિવારો આ સમજી ગયા અને તેમના લગ્નના કપડાઓ દાનમાં આપ્યા.
નસરે લગ્નના કપડાને ડ્રાય ક્લીન કરીને એર ટાઈટ પેકેટમાં રાખતા હતા. કન્યા ફેસબુક પર નસરનો સંપર્ક કરે છે અને તેની પાસે આવે છે અને તેમની પસંદગીના ડ્રેસ લઈ જાય છે. નસર પાસે હાલમાં 800 સાડીઓ અને લહેંગા છે. આ કપડાં હિન્દુ, મુસ્લિમ કે ખ્રિસ્તી કોઈપણ ધર્મની કન્યા માટે યોગ્ય છે. આ કપડાંની કિંમત 5000 થી 50000 રૂપિયા સુધીની છે.
નસરે આ અંગે જણાવ્યું કે ‘ભગવાનના આશીર્વાદથી મારે લગ્ન પહેરવેશ બેંક ચલાવવા માટે મારા પૈસા ખર્ચવા પડ્યા નથી. હું એકમાત્ર એવી ચેનલ છું જેના દ્વારા ગરીબ મહિલાઓને દાતાઓ પાસેથી મદદ મળી રહી છે.
