નમસ્કાર મિત્રો, આજના આ આર્ટીકલમાં વાત કરવાના છીએ વાળને કુદરતી રીતે કાળા કરવાના ઘરેલું ઉપાય વિષે. આજના આ સમયમાં ઘણા લોકો સફેદ વાળની સમસ્યાથી પરેશાન થઇ રહ્યા છે, નાના બાળકોથી લઈને યુવાનોમાં સમય પહેલા સફેદ વાળની સમસ્યા વધવા લાગી છે. સફેદ વાળ એક વાર જો થવાનું ચાલુ થઇ જાય તો દિવસેને દિવસે વધારે સફેદ થવા લાગે છે. બદલાતી જીવનશૈલી અને ખરાબ ખાણી-પીણીના કારણે મોટાભાગના લોકોને નાની ઉમરમાં જ સફેદ વાળની સમસ્યા થવા લાગે છે.
વાળની સુરક્ષામાં આપણે થોડા પણ સચેત રહીએ તો તેની કુદરતી સુંદરતા અને મજબૂતાઈ જાળવી શકાય છે. પરંતુ લોકોની અનિયમિત જીવનશૈલીના અને ખરાબ ખાણી-પીણીના કારણે સફેદ વાળની સમસ્યા ઉતપન્ન થાય છે. આપણા શરીરમાં મેલાનીન નામનું પીગ્મેન્ટ મળે છે, જે વાળના રંગ ને જાળવી રાખે છે. જયારે શરીરમાં આ પીગ્મેન્ટનું પ્રોડક્શન અટકી જાય અથવા વાળના મૂળની આસપાસ મેલાનોસાઈટ્સ ઘટી જાય ત્યારે સફેદ વાળની સમસ્યા ઉદભવે છે. મેલાનીનની ઉણપની ઉણપ શરીરમાં હોર્મોનમાં ફેરફાર થવાને કારણે, વારસાગત રીતે અથવા ઉમરના કારણે ઘટી શકે છે. ઉંમર વધવાની સાથે શરીરમાં મેલાનીન પીગ્મેન્ટ બનવાનું ઓછું થઇ જાય છે. જેના કારણે વાળ સફેદ થવા લાગે છે.
સફેદ વાળને કાળા કરવા માટે લોકો ઘણા બધા ઉપાયો કરતા હોય છે, જેમ કે મોઘા મોઘા કેમિકલ યુક્ત શેમ્પુ અને તેલનો ઉપાયો કરતા હોય પણ પરિણામ મળતું નથી અને બીજી સાઈડ ઈફેક્ટ થાય છે. સમય પહેલા સફેદ થયેલા વાળને કાળા કરવા માટે અમે તમને એક નેચરલ ઘરેલું ઉપાય વિષે જણાવવાના છીએ, જેનાથી તમે વાળને કુદરતી રીતે કાળા, ચમકાર અને મજબુત કરી શકો છો. તો ચાલો જાણીએ..
સફેદ વાળને કાળા કરવા આટલું કરો : નાની ઉમરમાં સફેદ વાળને કોઈ પણ કલર કર્યા વગર કાળા કરવા માટે ન્યુટ્રિશન એક્સપર્ટ ડો, નીખીલ વત્સ ના જણાવ્યા અનુસાર મીઠા લીમડાના પાન વાળા પાણીથી વાળમાં માલીશ કરવાથી વાળ કાળા, મુલાયમ અને ચમકદાર બનશે.
મીઠા લીમડાના પાનનું પાણી બનાવવા માટે સૌપ્રથમ થોડા મીઠા લીમડાના પાનને પાણીમાં નાખીને 20 મિનીટ સુધી ગરમ કરો, ત્યારબાદ થોડું ઠંડુ થયા પછી આ પાણીથી વાળમાં માલીશ કરો. આમ કરવાથી ફાયદો થશે. મીઠા લીમડાના પાનમાં એન્ટી બેક્ટેરીયલ અને એન્ટી ફંગલ ગુણ હોય છે જે માથાની ચામડીને પણ સ્વસ્થ રાખશે. નિયમિત આ ઉપાય કરવાથી જરૂર ફાયદો થશે.
મીઠા લીમડાના પાન વાળા પાણીના ઉપયોગથી સફેદ વાળની સમસ્યા દુર થવાની સાથે ડેન્ડ્રફની સમસ્યાથી પણ છુટકારો મળી શકે છે. આ સિવાય જે લોકોને વાળ ખુબ જ ખરવાની સમસ્યા હોય તે લોકો પણ આ ટ્રાય કરી શકે છે. નિયમિત આ પાણીથી વાળમાં માલીશ કરવાથી ખુબ જ ફાયદો થાય છે.
મીઠા લીમડાના પાનાના ઉપયોગથી વાળ ઘાટ્ટા કાળા અને આકર્ષક બને છે. મીઠા લીમડામાં ભરપુર માત્રામાં વિટામીન-B12 અને એન્ટી ઓક્સીડેન્ટ હોય છે. મીઠા લીમડાના પાનને બરાબર ક્રશ કરીને તેની પેસ્ટ બનાવો, આ પેસ્ટને વાળમાં 30 મિનીટ સુધી લગાવીને રહેવા દો, ત્યારબાદ વાળને ધોઈ લો. આમ કરવાથી વાળ ઘાટ્ટા કાળા અને લાંબા બનશે.
વાળને કાળા અને ચમકદાર બનાવવા માટે આમળાં પણ ખુબ ઉપયોગી સાબિત થાય છે. આમળાને વાળ માટે અમૃત સમાન માનવામાં આવે છે. તાજા આમળાને ખાવાથી અથવા વાળના મૂળમાં તેનો લેપ લગાવવાથી વાળનો વિકાસ થવાની સાથે વાળને પ્રાકૃતિક ઘાટ્ટો કાળો રંગ મળી રહે છે અને વાળ સુંદર બને છે.
આમ, મીઠા લીમડાના પાનના ઉપયોગથી વાળને કુદરતી રીતે ઘાટ્ટા કાળા અને મજબુત બનાવી શકાય છે. આશા રાખીએ કે આ માહિતી તમારા માટે ઉપયોગી સાબિત થાય અને તમે પણ સફેદ વાળની સમસ્યાથી મુક્ત બનો, આ ઉપયોગી માહિતીને જરૂર અન્ય ગ્રુપમાં શેર કરવા વિનંતી.
